जिल्ह्यातील कामे स्थानिक कंत्राट दारांना द्या – आजाद समाज पक्षाची मागणी

नवनीती न्यूज

गडचिरोली : आजाद समाज पार्टी ने जिल्ह्यातील विविध प्रश्न जाणून घेणे करीता नुकतीच जन संवाद यात्रा काढली होती.  दरम्यान अनेक गावातून प्राप्त तक्रारी नुसार गडचिरोली जिल्हा मागास- दुर्गम असल्याचा फायदा घेत अनेक अधिकारी व कंत्राटदार हे साठगांठ करून शासनाच्या निधीची लूट करत असल्याचे दिसून आले.

 

अनेक ठिकाणी आजाद समाज पार्टी पदाधिकारी यांनी कामांची पाहणी केली असता कामाचा दर्जा निकृष्ट असून मोठा भ्रष्टाचार असल्याचे निदर्शनास आले. त्यानुसार संबंधित विभागाला तक्रारी पण दाखल केल्या परंतु उचित कारवाई न झाल्याने कंत्राट दारांचे मनोबल वाढत असल्याचा आरोप करत आजाद समाज पक्षाचे जिल्हाध्यक्ष राज बन्सोड यांनी जिल्हाधिकारी यांच्यासह जिल्ह्यातील विविध मुख्य अधिकाऱ्यांना निवेदन सादर केले.

 

कंत्राट कामातील भ्रष्टाचार थांबविण्यासाठी निरीक्षण समिती स्थापन करा.

 

अनेक विभागातील कामे संबंधित अधिकारी आपल्या रिश्तेदारास किंवा परिचित ठेकेदारास देत असतात तसेच अनेक ग्रामपंचायत मध्ये ग्रामसेवक व सरपंच हे मिळून काम करतात. यांचेवर निरीक्षण करणारी कोणतीही समिती वा यंत्रणा नसल्याने कुणाचे भय नाही, असेही निवेदनात म्हटले आहे.

 

त्याचप्रकारे जिल्ह्यातील कामे मोठ्या प्रमाणात बाहेर जिल्ह्यातील कंत्राट कंपन्याना व कंत्राटदारांना दिल्या जात असल्याने मोठा भ्रष्टाचार कामामध्ये केला जातो आणि जिल्ह्यातील कंत्राटदारांना व कंपन्याना काम मिळत नाही. स्थानिक कंत्राटदार असल्यास जिल्ह्यातील काम चांगले करण्यास बांधिलकी असते त्यामुळे दर्जा उत्तम असू शकतो.

 

त्यामुळे आजाद समाज पार्टी याची गांभीर्याने नोंद घेऊन आपणाकडे खालील थेट मागण्या केल्या.

1. जिल्ह्यातील बांधकाम कंत्राटदराने निकृष्ट करु नये म्हणून एक निरीक्षण समिती नेमून देखरेख ठेवावी.

 

2. विविध विभागाचे अधिकारी व पदाधिकारी हे नातेवाईकांना कंत्राट दिल्यास कठोर कारवाई करावी.

 

3. जिल्ह्यातील कामे बाहेरच्या कंत्राटदारांना न देता जिल्ह्यातील कंत्राट दारांना देऊन अन्याय दूर करावा.