गडचिरोली – चिमूर लोकसभा मतदार संघ निवडणुक कार्यक्रम जाहिर.

नवनीती न्यूज़

गडचिरोली : भारतीय निवडणुक आयोगाने 12 – गडचिरोली – चिमूर (अज) लोकसभा मतदार संघाच्या सार्वत्रिक निवडणुक 2024 ची घोषणा केली आहे.

त्यानुसार लोकसभा निवडणुकीची सूचना  20 मार्च 2024 ते 27 मार्च 2024 सार्वजनिक सुट्टी व्यतिरिक्त या कालावधीत सकाळी 11.00 ते दुपारी 03.00 वाजता पर्यंत निवडणुकीचे नामनिर्देशनपत्र निवडणूक निर्णय अधिकारी कार्यालय, 12 – गडचिरोली – चिमूर (अज) मतदार संघ, जिल्हा नियंत्रण कक्ष, पहिला मजला जुने नियोजन भवन, जिल्हाधिकारी कार्यालय गडचिरोली येथे स्विकारण्यात येतील. तसेच 28 मार्च 2024 ला सकाळी 11.00 वाजता नामनिर्देशन पत्राची छाननी करण्यात येईल उमेदवारी मागे घेण्याची वेळ 30 मार्च 2024 ला दुपारी 03.00 वाजता पर्यंत असून 19 एप्रिल 2024 ला मतदान घेण्यात येईल.

मतदानाची वेळ पुढील प्रमाणे

66 आमगांव (अज)  वि. स. नि. क्षेत्र सकाळी 07.00 ते दुपारी 03.00 पर्यंत, 67 आरमोरी (अज)  वि. स. नि. क्षेत्र सकाळी 07.00 ते दुपारी 03.00 पर्यंत, 68 गडचिरोली (अज)  वि. स. नि. क्षेत्र सकाळी 07.00 ते दुपारी 03.00 पर्यंत, 69 अहेरी (अज)  वि. स. नि. क्षेत्र सकाळी 07.00 ते दुपारी 03.00 पर्यंत, 73 ब्रम्हपुरी वि. स. नि. क्षेत्र सकाळी 07.00 ते सायं. 06.00 पर्यंत, 74 चिमूर वि. स. नि. क्षेत्र सकाळी 07.00 ते सायं. 06.00 पर्यंत, मतमोजनी दिनांक 04 जून 2024 होईल.