विमानतळाकरिता सुपीक शेतजमीन अधिग्रहीत न करता पर्यायी जागा शोधा खासदार डॉ. नामदेव किरसान यांचे जिल्हाधिकारी गडचिरोली यांना पत्र

नवनीती न्यूज

गडचिरोली : गडचिरोली  येते नवीन विमानतळ प्रस्तावित असून त्या करीता गडचिरोली  मुरखडा, मुडझा, पुलखल, कनेरी या शेत शिवारातील जमिनीचा सर्वे करण्यात आला असून, शेतकऱ्यांच्या सुपीक जमिनीचे भुसंपादन करण्याची प्रक्रिया सुरु असल्याने शेतकऱ्यांकडून या करीता विरोध होत असल्याने विमानतळाकरिता  सुपीक शेतजमीन अधिग्रहीत न करता पर्यायी जागा शोधण्या करीता खासदार डॉ. नामदेव किरसान यांनी जिल्हाधिकारी गडचिरोली यांना पत्र लिहिले आहे.

या पत्रामध्ये गडचिरोली तालुक्यातील शेतकऱ्यांना शेती व्यतिरिक्त दुसरा कोणताही मोठा व्यवसाय नाही, तसेच  मौजा मुरखडा, मुडझा, पुलखल, कनेरी येथील शेतकरी हे अल्प भूधारक त्यांना उदरनिर्वाहकरिता शेती शिवाय पर्याय नाही. त्यामुळे सदर गावातील शेतकऱ्यांची शेतजमीन विमानतळाकरिता भुसंपादित करण्यास विरोध दर्शवित असुन सदर परिसरातील शेतमालाचे वाढ होऊन त्यांना सुजलाम – सुफलाम बनविण्याच्या हेतुने कोटगल उपसा सिंचन योजनेचे काम पूर्ण होत आहे.  अशा परीस्थित लाभ क्षेत्रातील सुपीक जमीन विमानतळ निर्मिती साठी भुसंपादित केल्यास कोटगल उपसासिंचन योजनेचा उपयोग होणार नसून  गडचिरोली येथील विमानतळाकरिता सदर गावातील गोरगरीब जनतेचे उपजीविकेचे साधन नष्ट होणार नाही, तसेच विमानतळाचे बांधकामाकरिता कोणत्याही ग्रामसभे कडून विरोध सुद्धा होणार नाही.

त्यादृष्टीने वरील गावातील शेतकऱ्यांची सुपीक जमीन भुसंपादित न करता शासकीय विज्ञान महाविद्यालय गडचिरोली जवळील झुडपी जंगल स्वरुपात उपलब्ध असलेली वन विभागाची शासकीय जमीन विमानतळ व वसाहती करिता शासन स्तरावरून मंजुरीची कार्यवाही करण्याचे खासदार डॉ. किरसान यांनी जिल्हाधिकारी गडचिरोली यांना लिहिलेल्या पत्रात नमूद आहे.