समिधा कॉलेज ऑफ सिविल सर्विसेस च्या विद्यार्थ्यांनी गावकऱ्यांना दिला जल संवर्धनाचा संदेश.

नवनीती न्यूज़

गडचिरोली :   कवी कुलगुरू कालिदास संस्कृत विश्वविद्यालय रामटेक द्वारा संलग्नित  समिधा कॉलेज ऑफ सिविल सर्विसेस  मधील ‘ग्रीन क्लब’ च्या विद्यार्थ्यांनी 6 मार्च रोज बुधवार ला प्रत्यक्षात वाकडी या गावामध्ये जाऊन गाव स्वच्छता केली.

रॅलीच्या व पथनाट्याच्या माध्यमातून जलसंवर्धन ही काळाची गरज आहे हे गावकऱ्यांना ‘ग्रीन क्लब’ च्या विद्यार्थ्यांनी पटवून दिले.

सदर कार्यक्रमास वाकडी येथील ग्रामपंचायत सरपंच सौ सरिता ताई चौधरी, उपसरपंच श्री जालंदरजी भोयर,

तसेच ग्राम पंचायत सदस्य  श्री रवींद्र कन्नाके, शुभांगी बोरकुटे, नंदिनी निंबोड , नर्मदा कन्नाके, चरणदास बोरकुटे, उद्देश मेश्राम शिपाई, अतुल मेश्राम पाणीपुरवठा कर्मचारी  ग्रामपंचायत वाकडी. तर  अंगणवाडी सेविका मायाबाई पाल व गीताबाई रोहनकर आणि  जीविता बोरकुटे मदतनीस अंगणवाडी केंद्र वाकडी उपस्तिथ होते.

या प्रसंगी सौ चौधरी मॅडम मुख्याध्यापिका, भैसारे सर, आत्राम मॅडम जिल्हा परिषद प्राथमिक शाळा वाकडी आदि मान्यवरांनी या उपक्रमास आपली उपस्थिती दर्शविली.

समिधा कॉलेज ऑफ सिविल सर्विसेस तर्फे बांधन्यात आलेला बंधारा

सदर उपक्रमाची सुरुवात पाणी बचतीचे स्वच्छतेचे वृक्ष रोपणाचे नारे देत गावातून फेरी काढण्यात आली. त्यानंतर ग्रामपंचायत चौकात पथनाट्य घेण्यात आले. त्यात प्रामुख्याने महाविद्यालयातील कू. शर्वरी रणदिवे, नलू गुरूनुले,  दिपाली शेंडे, रोहिणी सातपुते, निकिता गेडेकर,  चायना भोयर,  ईशा सोनवणे, जानवी मांदळे इत्यादींचा समावेश होता. त्यानंतर ग्राम स्वच्छता हा हेतू ठेवून विद्यार्थ्यांनी गाव स्वच्छता केली. तसेच या उपक्रमाच्या यशस्वीतेसाठी सहकार्यास लाभलेले सौ सरिता चौधरी सरपंच,  जालिंदरजी भोयर उपसरपंच ग्रामपंचायत वाकडी व चौधरी मॅडम मुख्याध्यापिका जिल्हा परिषद प्राथमिक शाळा वाकडी यांचे स्वागत समिधा कॉलेज ऑफ सिविल सर्विसेस अडपल्ली (गोगाव) तर्फे वृक्ष रोप देऊन करण्यात आले. याप्रसंगी समिधा कॉलेज ऑफ सिविल सर्विसेस चे संस्था अध्यक्ष माननीय श्री कालिदास जी राऊत यांनी जल संवर्धन ही काळाची गरज आहे त्यामुळे मानवी जीवनात मनुष्याने पाण्याचा योग्य वापर केले पाहिजे या हेतूने आपले मनोगत गावकऱ्यांना पटवून दिले.

सदर ग्रीन क्लब च्या उपक्रमास वाकडी ग्रामवासियांचा भरभरून सहभाग दर्शविला.

सदर उपक्रमास महाविद्यालयातील प्रभारी प्राचार्य प्रा. तिलेश मोहूर्ले प्रा. नितीन नैताम, प्रा. अंकुश गोहने, प्रा. प्रितम कोहपरे, श्री सुशांत राऊत, कु. सुश्मिता मडावी आदींनी सहभाग दर्शविला.