गडचिरोली पदाधिकाऱ्यांची विधानसभा निवडणूकीसंदर्भात खासदार चंद्रशेखर आझाद यांचेशी चर्चा.
नवनीती न्यूज
धुळे, दि. 21 : खासदार चंद्रशेखर आझाद रावण हे निवडणुकीच्या प्राश्वभूमीवर महाराष्ट्रातील पाहिल्या सभेकरीता आले असताना गडचिरोली जिल्ह्याचे प्रमुख पदाधिकारी यांची चर्चात्मक बैठक संपन्न झाली. जिल्ह्यात घडत असलेल्या घडामोडीचीं प्रसंशा करत जिल्ह्यातील टीम नें असाच समाजासाठी संघर्ष अविरत चालू ठेवल्यास सत्ता परिवर्तन कुणीही रोखू शकत नाही असे प्रतिपादन भाई आझाद यानी केले.
गडचिरोली पदाधिकाऱ्यांचा संघर्ष कायम राहिल्यास सत्ता परिवर्तन निश्चित : भाई चंद्रशेखर आझाद
यावेळी जिल्हा प्रभारी धर्मानंद मेश्राम, जिल्हा कार्याध्यक्ष विनोद मडावी व जिल्हाध्यक्ष राज बन्सोड यांनी जिल्ह्यातील राजकीय परिस्थिती व आसपा ची राजकीय भूमिका मांडली. गडचिरोली मधील तीन विधानसभेपैकी आरमोरी व गडचिरोली विधानसभेत पक्षाचे काम दखलपात्र असून दोन पैकी 1 तरी सीट आपण लढवावी असा प्रस्ताव भाई चंद्रशेखर यांच्यापुढे ठेवण्यात आला. त्यावर प्रदेशाध्यक्ष आनंद लोंढे, प्रभारी अविनाश शांती व ऍड. सुमित साबळे यांचेशी मंथन करून पुढील भूमिका ठरविण्यासंदर्भात निर्देश दिले.
23 ला आझाद समाज पार्टी आरमोरी विधानसभेचा उमेदवार होणार अंतिम : शेकाप चा मिळणार बळ
दरम्यान जिल्ह्यात शेकाप आणि आझाद समाज पार्टी युतीवर चर्चा करून आरमोरी विधानसभा लढण्याचे निश्चित करण्यात आले. सध्या पक्षाकडे विनोद मडावी, बाळकृष्ण शेडमाके, जगदीश कन्नाके, चेतन काटेंगे हे नाव पक्षाकडून चर्चेत असून प्रस्थावीत उमेदवारांशी सुद्धा चर्चा झाली असल्याचे स्पष्ट केले. 23 ऑक्टोबर रोजी इच्छुक असलेल्या उमेदवारांना बोलवून उमेदवार अंतिम करण्यात येणार असल्याचे जिल्हाध्यक्ष राज बन्सोड यांनी सांगितले. इच्छुकांना आरमोरी विधानसभेचे अध्यक्ष ऋषी सहारे यांचेशी संपर्क करण्याचे आवाहन करण्यात आले. शेतकरी कामगार पक्षाची साथ मिळाल्याने ही लढत चूरशीची ठरणार आहे.
बैठकीला जिल्ह्यातून पक्षाचे जिल्हा संघटक हंसराज उराडे, जिल्हा सचिव प्रकाश बन्सोड, आरमोरी विधानसभा अध्यक्ष ऋषी सहारे, गडचिरोली विधानसभा प्रभारी धनराज दामले, मिडीया प्रभारी सतीश दुर्गमवार उपस्थित होते.
